At ang mga nagwagi ay:

The Originals

Ang award na ito ay para sa mga trailblazer na nagbago ng laro, hindi sinunod ang mga genre at kategorya, sinira ang mga panuntunan, nag-eksperimento sa form, at lumikha ng mga kuwentong naiiba sa nakasanayan sa Wattpad. Ikaw ang master ng iyong art form, ngunit naiintindihan mo na ang mga lumang patakaran ay ginawa upang sirain. Maaaring ang iyong pagsusulat ay hindi nagsasagawa ng hugis ng karaniwang prosa. Marahil ang iyong kalakasan ay nasa pagsulat ng script, kapanabikin ang mambabasa gamit ang detalyadong paglalarawan, magparamdam ng malalim na emosyon. O baka ikaw ay nag-iisip nang malawak, gamit ang iba’t-ibang uri ng multimedia, sining, at disenyo upang magbigay ng buhay sa iyong mga kuwento. Marahil ang iyong mga dialogue ay maikli at mahusay - tulad ng Hemmingway o Jedamus. Ang iyong paggamit ng wika ay humahawak sa puso at pandama! Gusto naming makita ang anumang natatangi at naiiba mong istilo sa pagsusulat!

The Breakthroughs

Ang award na ito ay para sa mga nagtagumpay sa pagbabahagi ng kanilang kuwento at pumukaw sa damdamin ng mga mambabasa sa Wattpad. Pinagpaguran at pinagsikapan mong magsulat ng kuwentong nais mong ibahagi sa iba at karapat-dapat ka sa bawat pagdagdag ng bilang ng mga nagbabasa nito. Nanatili ka sa laro, nakikipag-ugnayan sa mga mambabasa at iba pang mga manunulat hanggang natagpuan mo ang mga nagmamahal sa iyong akda. Mahal mo ang iyong ginagawa at naipapakita mo ito. Ang kuwentong isinasali mo ay hindi pangkaraniwan. Nagpapakita ito ng kuwentong pinaglaanan mo ng panahon at pinag-isipan mo nang mabuti. Ikaw ay Dark Horse at Blade Runner ng iyong panahon at ang pagtaas ng rank ng iyong kuwento ay nararapat lamang.

The Storysmiths

Kinikilala ng award na ito ang mga kuwento na nagpabilib sa amin dahil sa kahusayan, kagalingan at kagandahan ng estilo ng pagkakasulat, balangkas at pag-unlad ng mga karakter. Sa madaling sabi, itinaas mo ang lebel ng storytelling. Ang iyong layunin ay ang pagtaas ng tingin at pagpapaalala sa amin ng kapangyarihan sa likod ng isang kuwentong mahusay na ginawa. Ang imaheng nakuha sa iyong syntax ay kahanga-hanga. Hinihingal, nagagalit, nalulungkot o naeengganyo na kami sa ilang salita pa lamang. Ang istilo ng iyong pagsulat ay nakahihimok, mabisa, at naka-e-engganyo. Kinatawan ka ng isang bagong henerasyon ng mga magagaling na storytellers, at namumuhay kami dahil sa pagpapakita ninyo ng inyong imahinasyon! Ikaw ay isang tunay na wordsmith, isang kuwentista, at kami ay may bilib na bilib sa iyo.

The Hidden Gems

Ang award na ito ay para sa mga umuusbong na manunulat na nagbigay-inspirasyon sa atin sa pamamagitan ng kanilang potensyal! Maaaring kinailangan naming maghanap sa milyun-milyong mga salita upang mahanap ka, ngunit sulit ang bawat sandali. Kahit na bago ka pa lamang sa platform at maaaring sinusubukan mo pa ring mahanap ang iyong lugar at ang iyong boses, pinagsumikapan mo pa ring maging mataas sa iba at makagawa ng sarili mong pangalan. May kinapuntahan ang iyong pinaghirapan! Nakikita namin ang potensyal mo, malayo pa lang. Bihira tulad ng mga brilyante, ang iyong kuwento ay totoong kumikinang sa dilim. Alam mo kung paano kami makuha gamit ang iyong mga salita at gusto naming ibahagi ang iyong kinang sa mundo.

The Heartbreakers

Ipinagdiriwang ng award na ito ang mga manunulat na mahilig humawak sa puso ng mga mambabasa. Hindi ka nasiyahan sa love triangle nina Bella, Edward at Jacob. Naghahangad ka pa sa kuwento nina Elizabeth Bennet at Mr. Darcy at kung ikaw ang masusunod ay isusulat mong muli ang The Notebook. Ikaw ay eksperto sa pag-ibig. Sinasaktan mo ang aming mga puso at nagugustuhan namin ito. Nararamdaman namin ang bawat salitang sinusulat mo kahit gaano pa kasakit. Ngunit tulad ng pag-ibig, sulit ang bawat saya at sakit. Kaya narito ang mga storyteller na nanakit sa aming puso at bumuo ring muli rito.

The Worldbuilders

Ipinagdiriwang ng award na ito ang mga malikhaing storyteller na gumagawa ng mga kapana-panabik na mundo at dinadala roon ang mga mambabasa. May kakayahan kang dalhin kami sa malayo. Ang mga mundong binuo mo sa iyong kuwento ay nagpapalimot sa amin kung nasaan talaga kami. Gamit lamang sa ilang salita ay nadadala mo kami sa mundong nilikha mo; nakalanghap ng sariwang hangin, nakilala ang mga bagong tauhan. Ikaw ay isang Worldbuilder. Dinala mo kami sa Middle Earth, sa likod ng mga pader ng Hogwarts, sa kagubatan ng Narnia, at sa tahanan ng mga White Walker. Saludo kami sa iyo!

The Heroes

Ang award na ito ay para sa mga kuwentong nagpakilala sa amin sa mga karakter na kagaya namin, na ginawa para makiramdam tayo para sa kanila, na nagpakita sa amin ng isang bagong paraan ng pagtingin sa mundo. Ang isang mahusay na karakter ay nananatili sa isip at puso ng mga mambabasa sa mahabang panahon kahit tapos na ang kuwento. Tumatatak sa aming isipan ang mga karakter na ginawa mo. Para silang totoong tao. Marahil demi god sila tulad ni Percy o anti-hero tulad ni Achilles. Mayroon silang lakas nina Katniss Everdeen, Bilbo Baggins, at ng Pevensies habang sila ay nakikipagsapalaran. Hindi sila natatakot lumaban gaya nina Harry, Hermione at Ron. Ang kanilang mga sinasabi ay may kahulugan sa amin. Sila ay aming mga kaaway, kaibigan at mga pinapantasya. Sila ang aming mga bayani. Hindi sila perpekto at marami silang kakulangan at kamalian ngunit kasama ang mga ito sa minamahal namin sa kanila. Ipinagdiriwang namin ang iyong malawak na imahinasyon at ang mga kahanga-hangang karakter na ipinakilala mo sa amin.

The Change Makers

Ang award na ito ay nagdiriwang ng mga natatangi at kakaibang mga kuwento mula sa iba’t-ibang pananaw. Bawat isa ay may kuwentong sasabihin. At lahat ay maaari ring maging isang bayani. Ang mga paniniwalang ito ay mahalaga sa kung ano ang mayroon sa Wattpad, at ang iyong kuwento ay sumasalamin dito. Marahil ito ay nagtatampok ng magkakaibang mga lead, o marahil nagbibigay ito sa amin ng bagong pananaw mula sa tagapagsalaysay na LGBTQ+. Dahil sa pagkuha ng inspirasyon mula sa iba’t-ibang kaganapan sa buhay, ang iyong kuwento ay nagbago. Ito ang mga kuwentong binabasa namin upang palawakin ang aming kaisipan at paniniwala sa ating pagkakaiba-iba. Ito ang mga kuwentong nirerespeto namin dahil maaari niitong mabago ang mundo.

Ang Mga Contemporary

Ang award na ito ay para sa mga kuwento sa Wattpad na kilala, may mataas na konsepto at mahusay ang pagkakagawa. Ano ang ibig sabihin ng pagiging manunulat sa ika-21 siglo? Ikaw ay bahagi ng bagong henerasyon. Ang paraan ng iyong pagkukuwento ay kahanga-hanga at progresibo. Naiintindihan mo kung ano ang hinahanap ng iyong mga mambabasa, at nagagawa mo ito nang mahusay. Sa rami ng mga kuwentong kilala at may mataas na ranking, nakuha mo ang lugar na ito sa aming reading list. Nakuha na ang mga datos at napanalunan mo ang award na ito.

The Revisionists

Ang award na ito ay para sa mga nagsama-sama, nag-reimagine at nagsaayos ng mga impormasyon tungkol sa mga kilala at paborito nating karakter mula sa isang nobela o palabas, hinahangaang artista, at minamahal na idolo. Ang mga mundo na minamahal natin, ang mga karakter na kilala natin, ang mga fandom na kinabibilangan natin: binago mo ang ayaw nating katapusan, tinuklas ang relasyon na gusto natin, at ginawang bago ang isang pamilyar na bagay. Mula sa BTS hanggang One Direction, Doctor Who at Sherlock Holmes, walang limit ang iyong fandom, at ganoon din ang iyong talento!

The Wild Cards

Ang award na ito ay para sa mga kuwentong nagpakita ng potensyal na maaaring maging bahagi ng maraming kategorya ngunit hindi sumasakto sa anumang solong kategorya. Ang mga kuwentong mahusay at magaling na naisulat kaya’t napabilib ang mga nasa Wattpad HQ at hindi maaaring balewalain. Ang paraan mo ng pagsusulat ay imposibleng bigyan ng label. Ikaw ay matapang, natatangi, at hindi kailanman natatakot na malikhaing sumubok. Kaming lahat ay nahuhumaling sa iyo at hindi namin alam kung paano ang tamang pagbibigay ng parangal sa katalinuhang ipinakita mo. Hindi maibilang sa ibang kategorya ang iyong kuwento kaya ginawa namin ang award na ito para lamang sa iyo! Labis naming nagustuhan kung paano mo kami isinakay sa roller coaster ng emosyon at pag-iisip.

The Poets

Ipinagdiriwang ng award na ito ang mga tulang nagpakita ng naiibang emosyon, makulay na pagsasalarawan at karunungan sa wika. Ang tula ay isang artform. Ito ay mahirap na magawa nang mahusay ngunit nagpakita ka ng kagalingan. Gusto namin ang naging paraan mo para matuklasan ang relasyon at pagkaka-ugnay ng bawat salita, at kung paano mo pinukaw ang tunay na emosyon sa pamamagitan ng iyong pagsasalarawan at pagsasatitik. Tulad nina Rupi, Lang at iba pang mahusay sa uri ng panitikang ito, nakapagparamdam ka ng matinding emosyon gamit lamang ang ilang salita. Gusto naming kilalanin ang lahat ng pagsisikap na ginawa mo sa pagsusulat bilang isang makata.

MAHALAGA ANG IYONG KUWENTO

Iparinig ang iyong boses. Ibahagi ang iyong kuwento. Baguhin ang mundo.

Bilang ng mga kasali sa Wattys

mga manunulat

293,553.81

mga submission

358,798.77

mga bansa

34.65